Drejtuesi i Agjencisë së Mbikëqyrjes Policore (AMP), Klevis Qose, ka zhvilluar një takim me Karma M. Smith, Këshilltare e FBI-së për Çështjet e Krimit të Organizuar pranë SPAK, e cila ka marrë detyrën në Shqipëri.
Përmes një postimi, Qose bëri të ditur se në fokus të takimit ishte vijimi i punës së nisur dhe koordinimi i hapave të ardhshëm, me synim forcimin e mëtejshëm të bashkëpunimit ndërinstitucional.
Qose shprehu gjithashtu mirënjohjen për Jamar Williams, për mbështetjen dhe bashkëpunimin e tij gjatë periudhës së angazhimit me AMP-në.
Në takim ishte i pranishëm edhe Richard Deasy, Atashe për Asistencën në Çështjet e Zbatimit të Ligjit pranë Ambasadës së SHBA-së në Tiranë.
