Aksident i rëndë në aksin Elbasan-Peqin.

Dy mjete janë përplasur ballë për ballë, duke lënë të plagosur pesë persona, dy prej të cilëve ndodhen në gjendje të rëndë.

Si pasojë e përplasjes së fortë, automjetet janë shkatërruar pothuajse tërësisht. Për nxjerrjen e të plagosurve nga mjetet është dashur ndërhyrja e forcave zjarrfikëse.

Paraprakisht dyshohet se aksidenti ka ndodhur si pasojë e një parakalimi të gabuar nga njëri prej automjeteve.