Një operacion policor është zhvilluar këtë të mërkurë në zonën e “Delijorgjit” në Tiranë, ku është goditur një call center i dyshuar për veprimtari mashtruese.

Ky është aksioni i radhës i autoriteteve kundër call center-ave të dyshuar për mashtrim, pas disa operacioneve të zhvilluara muajt e fundit në Tiranë dhe qytete të tjera të vendit.

Sipas informacioneve paraprake, gjatë ndërhyrjes së autoriteteve janë shoqëruar disa persona, ndërsa kontrollet dhe veprimet hetimore vijojnë në ambientet e subjektit.

Autoritetet nuk kanë dhënë ende një njoftim zyrtar të plotë, ndërsa më shumë informacion pritet të bëhet publik në orët në vazhdim.