Dy persona kanë mbetur të plagosur rëndë në Përmet, pasi kanë hasur në një sasi lënde plasëse që dyshohet të jetë bombë.

Ngjarja raportohet të ketë ndodhur pak minuta më parë në fshatin Grabovë, ku Ervis Bregu dhe një tjetër shtetas kanë rënë në kontakt me mjetin shpërthyes teksa po punonin në rikonstruksionin e një banese të vjetër.

Si pasojë e shpërthimit, Ervis Bregu ka pësuar dëmtime të rënda dhe është transportuar me urgjencë drejt Spitalit të Gjirokastrës në gjendje kritike për jetën, ndërsa personi tjetër ka marrë plagë në pjesën e dorës.

Dyshohet se lënda plasëse mund t’i përkasë periudhës së Luftës së Dytë Botërore.

Në vendngjarje kanë mbërritur forcat e Policisë së Shtetit dhe grupi hetimor, të cilët po punojnë për sqarimin e plotë të rrethanave të incidentit.