Një zjarr i fuqishëm pyjor po vazhdon të përhapet të përhapet me shpejtësi në jug të Francës, ku flakët e tij kanë zhuritur deri më tani u deri tani më shumë se 800 hektarë tokë.

Ekipe të shumta zjarrfikësish janë mobilizuar për të vënë situatën nën kontroll, por gjendja duket e vështirë në terren. Pamjet nga zona treguan flakë të mëdha që pushtojnë shpatet e kodrave, shtëllunga gjigante tymi dhe avionë cisternë që mbështesin nga ajri ekipet tokësore të angazhuara në luftën kundër flakëve…

Zjarri shpërtheu të mërkurën pasdite në Herault dhe u përhap shumë shpejt, i favorizuar nga temperaturat e larta, thatësira dhe erërat e forta. Ministri i Brendshëm Laurent Nunez deklaroi se në total tre vatra zjarri, dy prej të cilave shpërthyen në skajin perëndimor të Marsejës, kanë djegur në total një sipërfaqe të përbashkët prej 1,210 hektarësh.

Organizata Botërore Meteorologjike paralajmëroi javën e kaluar se temperaturat rekord që përfshinë Europën Perëndimore për më shumë se një javë në fund të qershorit do të rrisnin rrezikun e zjarreve në pyje, duke marrë parasysh parashikimet për temperatura të larta të vazhdueshme, lagështinë e ulët dhe bimësinë e tharë.

Por ndërsa një pjesë e Italisë vazhdon të përballet me vapën, reshje të reja bore u regjistruan në kalimin e Stelvios në Alpet italiane, ndërsa është bërë virale sakaq videoja e dy turistëve të huaj që tregon pasojat e reshjeve të shiut në Positano …