Tirana po i afrohet sezonit veror të koncerteve. Përmes një postimi në rrjetin social Facebook, kryeministri Edi Rama njoftoi këtë mërkurë , më 30 prill, se reperi i njohur amerikan, Kanye West do të mbajë një koncert në Tiranë.

Ai bëri të ditur se koncerti do të zhvillohet më 11 korrik. Rama ka shoqëruar postimin me një foto të reperit nga një prej përformancave të tij të mëparshme, si dhe me këngën “God is”, një këngë me frymë fetare që West e ka publikuar gjashtë vjet më parë.

Megjithatë Rama nuk ka bërë publike detaje të tjera mbi vendin ku do të mbahet koncerti apo mbi organizimin e tij.

Kanye West  është një nga artistët më të njohur dhe më me ndikim të industrisë globale të muzikës, i njohur për hitet e tij dhe për kontributin në zhvillimin e muzikës hip-hop ndër vite.

Koncerti i njoftuar pritet të tërheqë interes të madh nga publiku shqiptar dhe jo vetëm.