Një konflikt mes disa personash ka ndodhur në kryeqytet, teksa policia ka shpallur në kërkim disa persona.

Sherri ka ndodhur në ambientet e jashtme të një lokali, ku u qëllua me armë zjarri. Policia ka shpallur në kërkim pesë persona.

“Specialistët për Hetimin e Krimeve të Komisariatit të Policisë Nr. 5 referuan materialet në Prokurori, ku nisi procedimi penal në gjendje të lirë për shtetasin Xh. D dhe shpallën në kërkim shtetasit R. S, R. S, F. Gj, D. D dhe R. Gj, pasi me datë 17.04.2026, dyshohet se në rrugën “Berisha” në ambientet e jashtme të lokalit të shtetasit Xh. D, ka ndodhur një konflikt mes disa shtetasve dhe njëri prej tyre dyshohet se ka qëlluar me armë zjarri. Vijon puna për kapjen e shtetasve në kërkim, dhe dokumentimin e plotë të rastit”, njofton policia.