Prokuroria e Posaçme kundër Korrupsionit dhe Krimit të Organizuar (SPAK) ka arritur të sigurojë bashkëpunimin e dy personave të arrestuar në lidhje me laboratorin e kokainës në Frakull të Fierit.

Burime për mediat bëjnë me dije se dy të penduarit e drejtësisë pritet të “zberthejnë” para hetuesve se si funksiononte veprimtaria kriminale dhe nëse ka përsonë të tjerë të përfshirë.

Mësohet se një prej të penduarve është shqiptar, ndërsa një tjetër është i huaj.

Kujtojmë se laboratori i kokainë u zbulu në në nëntor të 2024-ës, në banesën e ish-kryetarit socialist të ish-komunës Frakull në Fier, Viktor Çervanaku.

Në banesën e shndërruar në laborator të përpunimit të kokainës, u gjetën 600 thasë me pleh kimik. Pas ekspertizës, rezultoi se plehu kishte në përbërjen e tij 485 kg kokainë, e ardhur nga Kolumbia.  

Lënda narkotike u pikas fillimisht nga autoritetet malazeze me sinjalizim të DEA-s amerikane ndërsa per ekstraktimin e saj grupi kriminal kishte kontraktuar 2 kimist kolumbian.