Biznesmeni Nadir Çausholli është përplasur paraditen e sotme biznesmenin M.L pranë Sky Tower, në Tiranë. Sipas informacioneve paraprake, Çausholli ka tentuar ta sulmojë fizikisht biznesmenin pas një mosmarrëveshjeje lidhur me vendosjen e një pike karikimi për taksitë e tij.
Veprimet e Çaushollit janë kryer në prani të disa punonjësve të Policisë së Shtetit. Më tej, ai ka kundërshtuar punonjësit e policisë, të cilët kanë tentuar ta shoqërojnë në Komisariatin nr. 2. Sipas burimeve, është dashur ndërhyrja e forcave shtesë dhe një urdhër nga strukturat drejtuese për të bërë të mundur zbatimin e shoqërimit me forcë.
Ndërkohë, biznesmeni M.L ka depozituar një kallëzim ndaj Çaushollit për veprat penale të kanosjes, ndërtimit pa leje dhe shkatërrimit të pronës publike.
