Oficerët e Shërbimit Sekret qëlluan për vdekje një person, i cili iu afrua një pike kontrolli sigurie të shtunën pranë Shtëpisë së Bardhë dhe hapi zjarr ndaj tyre.

Pak para orës 18:00 sipas kohës lindore amerikane (ET), një individ iu afrua një pike kontrolli jashtë kompleksit të Shtëpisë së Bardhë dhe nisi të qëllonte ndaj oficerëve, tha një zëdhënës i Shërbimit Sekret, duke iu referuar hetimeve paraprake.

Oficerët e Shërbimit Sekret iu kundërpërgjigjën me armë zjarri dhe goditën të dyshuarin, i cili më pas vdiq në një spital të zonës, shtoi zëdhënësi.