Gazetari investigativ Flamur Vezaj paralajmëron se shumë shpejt shqiptarët do të tronditen nga një skandal tjetër, edhe më i madh se sa këto që kanë ndodhur deri më tani. Sipas tij, dokumentari për të cilin po flitet shumë këto kohë dhe që është realizuar nga një gazetar austriak, ka të bëjë me inceneratorët.

Vezaj thotë se gazetari austriak ka dëshmi, prova dhe dokumenta që tregojnë se kush është paguar me paratë e inceneratorëve, dhe sa janë paguar, nga qeveria, politika dhe media.

Vezaj pohon se bëhet fjalë për emra të njohur.

Ai shton se gazetari austriak ka intervistuar një të penduar tanimë të kësaj afere, aferë që është hetuar përciptazi në Shqipëri.
Në promon që qarkullon në rrjet prej ditësh, vërehet se autori i dokumentarit është duke biseduar me një person, rreth një skandali në Shqipëri. Po ashtu lajmërohet se ky dëshmitar, ka dhënë edhe prova, usb me matreriale që provojnë rrëfimin e tij.

Nuk dihet saktësisht se kur do të transmetohet ky material, por thuhet se brenda pak ditëve.
Albania Today po pret që ta përcjellë tek ndjekësit e saj sapo dokumentari të shfaqet.

Ndërkohë, publiku dhe qytyetarët në Shqipëri janë të tronditur këto kohë nga zbulimi i skandalit të përfshijres së drejtueses së SHISH në krime të rënda.