Presidenti i Shteteve të Bashkuara, Donald Trump, deklaroi se ofensiva ushtarake amerikane kundër Iranit ka dobësuar ndjeshëm kapacitetet ushtarake të Teheranit.

“Deri në një masë të madhe, sulmet tona i kanë kthyer ata në Epokën e Gurit”, u shpreh Trump, duke përsëritur një deklaratë që e ka përdorur edhe në të kaluarën.

Sipas presidentit amerikan, që nga fillimi i luftës më 28 shkurt, forcat amerikane kanë shkatërruar 159 mjete lundruese, rreth 200 avionë, sistemet e radarëve, mbrojtjen kundërajrore, si edhe 84% të kapacitetit të prodhimit të armatimeve të Iranit.

Trump tha se, si rezultat i këtyre operacioneve ushtarake, Irani është “shumë ndryshe” nga sa ishte katër muaj më parë dhe se nuk do të jetë më në gjendje “të bëjë rolin e ngacmuesit në Lindjen e Mesme”.

Këto deklarata janë bërë nga presidenti amerikan dhe shifrat e paraqitura prej tij nuk janë verifikuar në mënyrë të pavarur.