Peshëngritësi dhe sportisti i njohur shqiptar Erkand Qerimaj është paraqitur këtë të enjte në ambientet e Prokurorisë së Posaçme.

Të shumta ishin pikëpyetjet se me çfarë lidhet kjo vizitë e sportistit të njohur në Prokurorinë e Posaçme.

Qerimaj ka shpjeguar arsyen e paraqitjes në SPAK, duke u shprehur se nuk është nën hetim nga prokuroria.

“Nuk kam fletëthirrje, po bëj kallëzim”, është shprehur Qerimaj shkurtimisht.

Kallëzimi i Qerimajt lidhet me presidentin e Federatës Shqiptare të Peshëngritjes, Elez Gjoza.

Me këtë të fundit, Qerimaj ka pasur edhe më parë përplasje dhe e ka akuzuar për shkelje të ndryshme dhe abuzim me fondet.