Një operacion i Policisë së Shtetit ka çuar në zbulimin e mbi 7 mijë bimëve të dyshuara narkotike në fshatin Reç i Ri, në njësinë administrative Velipojë.

Pas konstatimit të rastit, Drejtoria e Policisë së Shtetit ka urdhëruar pezullimin e menjëhershëm nga detyra të tre punonjësve të policisë që kishin përgjegjësi për territorin ku u zbuluan bimët.

Të pezulluar janë:

• Bekim Lika, Shef i Komisariatit të Policisë Shkodër
• Zef Marku, Shef i Stacionit të Policisë Velipojë
• Samet Kadroji, përgjegjës për zonën ku u gjetën bimët narkotike

Ndërkohë, strukturat përgjegjëse po vijojnë hetimet për identifikimin e personave të përfshirë në kultivimin e bimëve të dyshuara narkotike, si dhe për përcaktimin e përgjegjësive administrative dhe ligjore që lidhen me këtë rast.