Presidenti amerikan Donald Trump ka deklaruar se është arritur një marrëveshje me Iranin që synon t’i japë fund tensioneve të muajve të fundit dhe të çojë në rihapjen e Ngushticës së Hormuzit, një nga korridoret më të rëndësishme detare për transportin e naftës në botë.

Sipas deklaratës së Trump, marrëveshja parashikon heqjen e bllokadës detare amerikane dhe rikthimin e lundrimit normal në ngushticë. Ai e cilësoi zhvillimin si një hap të rëndësishëm drejt stabilizimit të rajonit dhe tregjeve globale të energjisë.