Zëvendëskryeministrja Albana Koçiu ka reaguar sërish lidhur me protestën që po zhvillohet në Tiranë, duke dënuar aktet e dhunës dhe shkatërrimit.

Në një reagim në faqen e saj zyrtare në Facebook, Koçiu ka theksuar se personat që përdorin dhunën nuk mund të konsiderohen më protestues, por dhunues.

Sipas saj, kryeqyteti nuk duhet të kthehet në simbol të dhunës, shkatërrimit dhe kaosit.

Reagimi i zëvendëskryeministres vjen në një kohë kur protesta në Tiranë është shoqëruar me tensione dhe incidente mes protestuesve dhe forcave të policisë.

Koçiu ka mbajtur një qëndrim kritik ndaj akteve të dhunshme, duke theksuar rëndësinë e ruajtjes së rendit dhe sigurisë publike.