Emrat e parë që pritet të garojnë në zgjedhjet e 9 majit kanë nisur të artikulohen. Ndërkohë drejtuesit e PD-së, Sali Berisha dhe Flamur Noka, u kanë përcjellë degëve lokale udhëzimet për të nisur procesin e identifikimit të kandidatëve që do të përfaqësojnë partinë në zgjedhjet e ardhshme.
Sa u përket emrave konkretë, Gjin Gjoni përmendet si një nga kandidatët e mundshëm për Bashkinë e Lezhës, ku raportohet se ka nisur takime informale në kuadër të përgatitjeve për garën.
Ndërkohë, Xhelal Mziu është një nga emrat që përmendet për Bashkinë e Kamzës. Për kandidimin e tij ai duhet të dorëzojë mandatin e deputetit.
Në diskutimet për kandidatët e mundshëm përmenden gjithashtu Ervin Demo për Tiranën dhe Enea Karakaçi për Shkodrën, ku ky i fundit mund të përballet në garë me Kliti Hotin.
Megjithatë, deri më tani bëhet fjalë për emra që po qarkullojnë në media dhe jo për kandidatura të konfirmuara zyrtarisht.
