Drejtori i Agjencisë së Mbikëqyrjes Policore, Klevis Qose, ka pritur në ambientet e AMP-së ambasadoren e Izraelit në Shqipëri, Galit Peleg.

Takimi u fokusua te situata aktuale dhe sfidat me të cilat përballet Agjencia e Mbikëqyrjes Policore, si dhe te mundësitë për forcimin e bashkëpunimit ndërinstitucional.

Qose bëri të ditur se gjatë bisedës është diskutuar veçanërisht për forcimin e mekanizmave të integritetit dhe shkëmbimin e eksperiencave mes institucioneve.

“Kënaqësi të prisja në zyrat e Agjencisë së Mbikëqyrjes Policore Ambasadoren e Izraelit në Shqipëri, Sh. S. Znj. Galit Peleg, me të cilën zhvilluam një bisedë mbi situatën dhe sfidat me të cilat përballet ky institucion, si dhe mbi mundësitë për forcimin e bashkëpunimit ndërinstitucional”, shkruan Qose.

Sipas kreut të AMP-së, ambasadorja Peleg shprehu gatishmërinë për të mbështetur bashkëpunimin me institucionin, veçanërisht përmes shkëmbimit të eksperiencave dhe praktikave në fushën e integritetit institucional.

Takimi synon forcimin e kontakteve dhe shkëmbimin e eksperiencave mes institucioneve shqiptare dhe izraelite në çështje që lidhen me integritetin, sigurinë dhe mbikëqyrjen e veprimtarisë policore.