Emri i tij kryesoi mediat shqiptare ditën e sotme pasi Erion Veliaj pretendoi se kryeministri Rama ka urdhëruar që ai të delegojë Bashkinë Tiranë te Arbër Hajdari. Ky i fundit, deri në këto momente nuk ka reaguar konkretisht në lidhje me këto pretendime, por një koment i bërë në rrjet ka tërhequr vëmendjen e shumë ndjekësve.
Në një foto të publikuar nga moderatori Ledion Liço, përmes së cilës sinjalizohet nisja e sezonit të ri të “Big Brother Vip Albania”, Arbri ka komentuar pasditen e sotme duke e pyetur nëse do të jetë sërish ai në drejtimin e spektaklit.
Pas një bisede të shkurtër të bërë me Ledionin, përgjigja e Arbrit lë të kuptohet se do të jetë opinionist për të gjashtin edicion radhazi, madje krah Monika Kryemadhit.
Ndërsa në lidhje me pretendimet e kryebashkiakut të Tiranës, që kryeministri Edi Rama i ka kërkuar mandatin që më pas Bashkia Tiranë t’i delegohet Hajdarit, humanisti i njohur, deri në këto momente që raportojmë ende nuk ka reaguar.
