Gjykata ka rrëzuar disa kërkesa të paraqitura nga Erion Veliaj gjatë seancës gjyqësore, përfshirë edhe atë për transmetimin live të procesit.

Sipas gjykatës kërkesa për publikimin në kohë reale të seancave është cilësuar e përsëritur dhe është refuzuar. Gjykata ka theksuar se çështjet e provave digjitale janë trajtuar më herët dhe nuk përbëjnë arsye për ndryshime në mënyrën e zhvillimit të procesit.

Po ashtu, është rrëzuar edhe kërkesa për të mos qendruar në kafazin e xhamtë në sallën e gjyqit. Gjykata argumentoi se qëndrimi në këtë hapësirë nuk cenon asnjë të drejtë procedurale të të akuzuarit.

Refuzohet gjithashtu edhe kërkesa për zhvillimin e seancave me frekuencë më të shpeshtë se një herë në javë, pasi u konsiderua e pabazuar.

Në lidhje me vijimin e procesit, gjykata vendosi shtyrjen e seancës për më 23 qershor, ora 10:00.