Pas një seance maratonë 12 prej orësh, mazhoranca rrëzoi kërkesën e opozitës ngritjen e komisionit hetimor për ARRSH me 76 vota kundër.
Po ashtu, u rrëzua me 76 vota kundër dhe 28 vota pro kërkesa për komisionin hetimor parlamentar për AKSHI.
Kuvendi miratoi projektligjin për parandalimin e pastrimit të parave me 76 vota pro dhe atë për portet turistike.
Pas debateve gjatë ditës, nuk munguan përplasjet as në mbrëmje. Deputeti socialist, Erion Braçe tha në Kuvend se në Shqipëri “pastrohen paratë e pista”, por sipas tij, ky është fenomen edhe në vendet fqinje. Fjala e Braçes u shoqërua me replikë nga Agron Shehaj, ndërsa ndërhyri edhe Taulant Balla.
Më herët, maxhoranca ngriti kartonat e kuq për një interpelancë kërkuar nga opozita me kryeministrin Edi Rama dhe për futjen me procedurë të përshpejtuar të një projektligji që synonte zbutjen e efekteve nga rritja e çmimit të karburanteve.
