Komisioni i Posaçëm në Policinë e Shtetit, i ngritur për të vlerësuar kandidaturat që janë në garë për drejtor në disa drejtori vendore të policisë në vend, pas intervistimit, ka përmbyllur procesin e pikëzimit, duke bërë renditjen nga më i mirë te drejtuesi me më pak pikë.

I pari i renditur është Adriatik Tafçiu, aktualisht me pozicion këshilltar në Drejtorinë e Përgjithshme të Policisë së Shtetit. Në vijim renditen Ervin Hodaj, aktualisht i komanduar në Durrës, pas aksidentit tragjik ku humbën jetën 2 të mitur dhe largimit të Afrim Tafës.

I treti renditet drejtori i Policisë së Vlorës, Edvin Ndreu, i komanduar pak ditë më parë, pas skandalit të shkarkimit të Elidon Çelës, me rastin e mosndërhyrjes së policisë në protestën në Zvërnec. Më tej renditen ish-drejtori i Dibrës, Artion Duka, dhe drejtori aktual i komanduar në Fier, Erion Ahmeti. Në garë janë edhe drejtues të tjerë, si Alket Shatro, Ermal Muçaj, Gjovalin Loka, Hergis Jica. Lisata mbyllet me Alfred Nomanin.

Adriatik Tafçiu86
Ervin Hodaj85
Edvin Ndreu84
Artion Duka74.32
Erion Ahmeti74.32
Arben Nasufi74
Ylli Doda74
Alket Shatro74
Ermal Muçaj73.32
Ardrit Elmazi73.32
Ndue Doçi73.32
Gjovalin Loka73.32
Xhevahir Karaj73
Dashamir Spaho73
Hergis Jica72.32
Lorenc Shehu72
Lorenc Meta72
Alfred Elezi72
Arjanit Arapi72
Erzen Cera71
Alfred Nomani71