Ish-kryetari i Kuvendit të Kosovës dhe njëri nga ish-drejtuesit e Ushtrisë Çlirimtare, Jakup Krasniqi, është nisur këtë mërkurë nga Haga drejt Kosovës. Mësohet se bashkëshortja e tij është në gjendje të rëndë shëndetësore dhe autoritetet i kanë dhënë lejë të lërë qelinë.

Mediat në Kosovë raportojnë se zëri i ndërlidhjes së Ushtrisë Çlirimtare të Kosovës me botën, në kohën kur Kosova ende nuk e kishte shpallur pavarësinë, po kthehet në shtëpi pikërisht për çështje familjare.

Arsyeja e ardhjes së Japuk Krasniqit lidhet me përkeqësimin e gjendjes shëndetësore të bashkëshortes së tij, Sevdije Krasniqi. Ekipet e EULEX-it janë aktualisht te shtëpia e tij në Velani të Prishtinës.

Kjo është vizita e dytë e ish-kreut të UÇK-së në Kosovë që nga transferimi në Hagë, më shumë se 5 vite më parë.

Dy muaj më parë, Gjykata Speciale e ka shpallur fajtor dhe e ka dënuar me 25 vjet burgim ish-kryeparlamentarin Jakup Krasniqi lidhur me akuzat për krime lufte, ku akuzohet bashkë me Hashim Thaçin, Kadri Veselin e Rexhep Selimin.