Pas një konflikti të çastit në Memaliaj që u përshkallëzua në përdorimin e armës së zjarrit, 33-vjeçari Endri Goxhaj ka humbur jetën pas plagëve të marra.

Burimet bëjnë të ditur se si pasojë e të shtënave ka humbur jetën 33-vjeçari Endri Goxhaj.

Mësohet se ngjarja ka ndodhur pas një konflikti të momentit, i cili ka degjeneruar në shkrehjen e armës së zjarrit nga agresori me inicialet D.N.

Krimi ka ndodhur para lokalit të shtetasit S.K, afër qendrës së Memaliajt. Policia ka shkuar menjëherë në vendin e ngjarjes dhe është vënë në ndjekje të autorit, i cili vrasjes është larguar në drejtim të paditur.

Ndërkohë grupi hetimor ndodhet në vendngjarje dhe po punon për zbardhjen e plotë të shkaqeve dhe dokumentimin e krimit.